شفت النحل وشلون يبنـي الخليـة

شفت النحـــل وشلون يبنـي الخليــــة
مثله بنيت بداخــل القـلــــب لك بيــت


ياللي ســـكنت الروح عن طيب نيــــة
ماني ســــعيد القلــب لا مـن تخلــيـت


الحــب نيــــة والنـوايـــــا مطـيــــــة
ومن مد لي فنجــان حبـه تقهــويــت


إن جـــيت تفتـح للمشـــاعـر شـــهيـة
هذا أنت عني مبتـعد كيـف لا جـــيـت


إن جيـــــت رد الــورد للمزهـريــــــة
ورديت لأجل الليـــل كـل المواقـــيـت


إن جيت جـــاني الحب مثـل الهديــــة
وإن رحــــت ماخليت شـــي وبقـــيت


غير الحــــزن وأنيـاب ســود المنيــة
وغير الفضـــا لاضاق صدري وناديت


لو شاف شـــعري من جمــالك خطيـه
ما قــد بنيت القـــاف لأجــلك وهديـت


لا أبو شـعور الحـب لا رحــــم حيــــه
إن كان جيتك بالغـــلا وأنت صـديـــت


شـفت الفـــراق اللـي يمـد لي يديــــــه
هـــمٍ يكـــــدر خاطـــــري لا تمنـيــــت


أصعــب من فراق الخـــوي عن خويــه
وأصعــب على العشـاق من قول ياليت


شــفت النحــــل لو شـفت شكل الخليـة
تقدر تشـوف أصــل التعــب يوم حبيت