تجيني طيف ياعمري ..

تجيني طيف يا عمري.. على جنحان شوقـي لـك
اخاف ارمش من عيوني..! وابعثر صورت وصالـك





حبيبي لا تجيني قول.. وين انت؟ وانا اجـي لـك
ابيك تقول وين انت.. وعلى عيوني انا اسعى لـك





وربي فوق روس الشوك.. لا اخلي القلب يمشي لك
واخلي ظلالي يسبقني.. قبـل يحضنـي منزالـك





ثواني بس.. ابتهندم.. من عيونـك وابهـدي لـك
في عينـك ضحكـةٍ حتـى تكحـل عيـن عذالـك





يقولوا الناس: بغيابي تشب القلـب ويضـوي لـك
حنيني ومن وهج شوقه.. يميـل القلـب لا مالـك





قضى دمعي من عيوني.. ابي من عينك ابكي لـك
ابنثر من ورا عيوني.. دمـوع عيـون ترحالـك





وحتى الشوق من صبح الدرايش قـام يهـدي لـك
عصافير الرضى ترفـرف علـى بيبـان مدخالـك





هنا ترمي صباح الخير.. قبل لا تروح وادعي لـك
وهنا تضوي مساء الخير.. في عيني مـن هلالـك





انا من الليل يقطفني.. شعوري لـك واغنـي لـك
انا من الصبح يليّلني الحزن.. مـن لـون موالـك





حرام الليل ماهو ليل ..! اذا مـا كنـت فـي ليلـك
وحرام الصبح ماهو صبح..! اذا ما كنـت فظلالـك





تروح وقلت: احط عمري.. على كفـي واناديلـك
نزعت العمر مـن شفـت الغـلا بالـروح نادالـك





بربك قول: وش سوى الفـراق بوجـه منديلـك؟؟
تسيل الوان طيفي فيـه الـى مـن البكـا سالـك





حبيبـي لا يبكيـك الفـراق ولا يـهـد حيـلـك
اخاف الدمع من عينك يجفف صورتـي ببالـك..!





تعال احتاج اسولف لك عن الايـام واشكـي لـك
وافض غيم الحزن وانثر حنيـن الشـوق بقبالـك





تعال وحط فـي قلبـي همـوم الفرقـا واشيلـك
لان القلب ماهو قلـب اذا فـي نبضـه مـا شالـك





قضى دمعي من عيوني.. ابي من عينك ابكي لـك
اخاف ابكي على طيفك..! وابعثر جيت وصالـك..!






الشاعر / سالم سيار