مرت علي أوقات وأيام وشهور !

مرّت عليّ اوقات وايّام وشهور
وانا على فرقاكم آبات واصحي

صبحي غدا ليلٍ .. وليلي غدا نور
ما عاد أميّز بين ليلي وصبحي

تكفى تلملمني إلى صرت مكسور
ولا على ما قال عجّل بذبحي

بنيتلك يا زين في قلبي قصور
وتردلي جفواك وتهد صرحي

منوّل بطيشك وانا اقول معذور
بكره يدق الحب قلبه ويصحي

لكني آشوفك مثل مانت مغرور
ما فاد فيك عتابي وكثر نصحي

ما عندك أي احساس ولا عندك اشعور
اكتبلك ابيات الهوى وانت تمحي

هي كلمتين اللي بقت بآخر سطور
اقولها من جد ماهو بمزحي

ماني على حبك ترى اليوم مجبور
ما دمت ما قدرت عيشي وملحي