يوم الزمن يعطي حقوق الذيابه أخذت حقي لين سموني الذيب !

ياخوك بعـض الخلـق ماينغزابـه
...........................ومايقطع الفرجه كثير العذاريـب



لاتحتـري منّـه علـوم ورحابـه
............................يفشلك ممشاه عنـد الأصاحيـب


ماتدري إنـه عنـد ربعـه زلابـه
................................وتلقى هروجه كلبوهـا تكاذيـب


تجفاه روح المرجلـه عنـد بابـه
.............................حتيش لو ابوه عطب المضاريـب


يفرح ليا شاف العرب في طلابـه
...............................ويصعب على مثله دروب الأشانيب



خلك سنافـي ٍ يعشـق الصلابـه
................................دايم وعينك صوب قمة هل الطيب



المرجله عـذرى وتبغـى ذرابـه
..............................وتبغى لها قرم ٍ فعولـه معاطيـب


بيت المراجل غير بيـت الخرابـه
................................والطيب ماله غير ذيب ٍِ ولد ذيب


انصحك دام النصح يحسب حسابه
.................................لاتعترض للشر وتقـول ماهيـب



خلك كما قرم ٍ يشـد العصابـه
..................................يسوق نفسه لأجل حرش العراقيب



يارد علـى عـدٍ قـراح ٍ شرابـه
.....................................الين يروى من قـراح المشاريـب



والرجل كنزه فالكـرم والمهابـه
.....................................ومن لاحفضها صار مثل الرعابيب


سيف المراجل نازعه مـن جرابـه
.......................................قدم الذي ضيّع دروب المكاسيـب



هذا وانا شاعـر وعنـدي لبابـه
........................................وشرايد القيفان عنـدي مناديـب



لي ماقف ٍ يثلج صـدور القرابـه
.......................................ولي وقفة ٍ تتعب قلوب الأجانيـب


ويوم الزمن يعطي حقوق الذيابـه
......................................اخذت حقي لين سمّونـي الذيـب