وين انت ياللي ذابح القلب بالشوق

وين انت ياللي ذابح القلب بالشوق
العقــل من بعد اللقاء منك ما فـــاق
....


ليتك تحـس بواقعي بس .. وتذوق
من كاسك اللي منه نشفن الارياق
....


دنياي من دونك ترى مالها ذوق
خليتني عايش على حد الارهاق
....


إليا متى .. ببقى اطالبك بحقوق
متشوف كل الكون في غيبتك ضاق
....


وراك كني تايه الدرب .. ملحوق
خايف تكون إنهاية الحب لفراق !
....


يكفي عذاب اللي غدى منك محروق
غيرك وربي بالبشر ما بعد .. لاق
....


شفني بقايا إنسان .. في حال مسروق
من سِـبّـتك ضاقت بي افجوج وآفاق
....


انا دخيلك .. تفهم الوضع برفوق
ما عاد صبري لو تصورت .. ينطاق !!
....


تعال بعدك حالتي كلها .. عوق
عقبك ودربي بالهوى صار .. منعاق
....


تدري مكانك غايتي دايما فوق
فيك انولد حلمي وكبرن الاشواق
....


تاخذني ايامك .. لها حيل واتوق
دامك هناي .. ورغبتي .. ليه مشتاق
....


لو تطلب اسنين العمر .. جات لك سوق
والروح لجلك دايم الدوم .. تنساق
....


في عيني اكبر .. من غلا كل معشوق
مثلي لحبك ماعتقد مر عشاق
....


متى تجيني .. تطلب القرب وتروق
ونهيم ساعة كلها ضم وعناق
....


والله ما ياصل غلاك اي مخلوق
وحدك سكنت بداخلي وسط الاعماق






وسلامتكم ،،