يــازيــن بــيــت الــشـعــر ..

يـا زيـن بيـت الشعـر يـا زيــن مجـلاسـه

يــا زيــن مــن صـلـح أركـانــه وسـواهــا

و يازين تمر النخل والسمن في الطاسه

ويــا زيــن هـيـك الــدلال الـلي لقينـاهـا

ويا زين شيـخ يجيـب العلـم مـن راسـه

ويازيـن هـيـك العـلـوم الـلـي سمعنـاهـا

فـي مجلـس مـا يضيّـق صــدر جـلاسـه

لـيــا اقـبـلــت دلــتــه والــعــود يـبـراهــا

والـربــع كـــل يـعــرف الـعـلـم بقـيـاسـه

والسـالـفـه لسـتـمـرات مــــا قطـعـنـاهـا

والليـل قـبـل الـغـروب يبـيـن غطـلاسـه

والشمـس قبـل الشـروق يبيـن مبـداهـا

والله عـطـانـا نـظــر وقـلــوب حـسـاســه

إن كــان مــا الله رحمـنـا مـــا رحمـنـاهـا

يــا درة وســط مــوج الـبـحـر غـطـاسـه

الـمـوت مـــن دونـهــا والـمــوج يـحـداهـا

اللـون مثـل الذهـب واللمـس غرطاسـه

والــورد يشـبـه لـهـا والـمـسـك حلـيـاهـا

كم شيـخ قـوم علاهـا تصـرك أضراسـه

صــرك الدنانـيـر تـصـرك وســـط مخـبـاهـا

مــن لــه تـجـارب مــع الايــام ودراســـه

نـرسـم لــه أهدافـنـا و يـعــرف مـرمـاهـا

والـداب مـا ياكـل الا رجــل مــن داســه

والـنــار مـــا تــحــرق الا مــــن تـوطـاهــا

وظـــروف مـــا بـيــن خـرامــه ودبــاســه

نصبـر علـى الـمـر مــن شــان نتحـداهـا

والـكــون بـيـديـن رب خـالــق اجـنـاســه

الـلـي مسـيـر سفيـنـة نــوح وأرسـاهــا
مما راق لي