الشمس طاحت

الشمس طاحت وبردت ورمد الشفق في حجر الارض
من يشتهي يدوس باقدامه على هالرماد كله ..


يا عابرٍ على المدى من السراب الى الندى ..
قلبي سقط فوق التراب شله ..
او لا تدوس القلب خَله كل يوم له شمس
وانا مالي سوى قلبي


انا من بكى لين الثرى بله بالدمع ..
ويوم اكتفى صد وعصر ظله ومسح بردنه وجنته ..
ثم ابتسم لين حسدوه الناس


يازارعٍ شوك الهراس فوق الرمل كله لاقدام من يكره الشوك
ياحظ من ياطى بقدم انا مالي سوى قلبي


الشمس طاحت ونثر الظلام ظله ..
على الجروح ياكاتم الزين الفضوح عن عيني
لا تظهر انيابك وتقطع احبابك شمات


انا من عطى ضي الشموس خِله لين حسدوه الناس
ولا تنتظر غير الشموس لله ..
انا مالي سوى قلبي ..



///



بدر بن عبدالمحسن