قصيدة خالد التويجري في صيته بنت عبدالعزيز

راح العمر بأيام (صيتة) وانا أشوف
عـــز الله انهـا يا بو متعــب فقيــده


قال: القوي الله والانسـان مصدوف
العمـــــر يفــنى والليــــالي مديـــده



الأرض بيت الله وحنا بها ضـيوف
أسأل الله قديم الوقت وانشد جديده



قلت : الحيــاة أيام واقدار وظــروف
وجــــروح أهلهــا يابو متعـب أكيده



الدايــم الله ... كل ما راح مخلـوف
إلا فـــــراق اللي عيـــونك تريــــده



قلت : العزا يا أمان ربي من الخــــوف
سلوى الحزين وشمس عمره وعــتيده



عــبدالله المحبـوب ياعــز موصـــوف
يا ســـيدي.. يابو الصفــات الفريــده



وقفت لك قلــوب .. يعزونك صفـــوف
الحــب ســيد .. والمشـــاعر عبيــــده



لا تنشـدون الدمــع وش فيه مــردوف
(صيتــة) توارت عن عــيونه بعيــده



صلوا عليها العصر في المسجد وقوف
وهلوا عليهــا .. ما طهر من صعيــده



بنت الزعيم اللي روى الأرض بسيوف
أخـت الكـــريم .. اللي سنينه مجيـــده



راحت وراح القلب والروح والشوف
وهي تحسـب انها يوم راحت وحيده



باق لهــا .. فضـل علينا ومعــروف
يالله عســـاها فـي جنـانك ســـعيده



داعيك داعي خير .. وارفع لك كفوف
وأســألك يا خـالق .. سـمائه وبيده



تعز ابو متعب.. وتحسن عزا (نوف)
وتجــبر عــزائنا .. كلنا في الفقيــده

يسلمووو