لحظه قبل ترحل .. بقى أمر محتوم ...

كانك نويت فراق .. لا تحطنـي لـوم
قلهـا صريحـه لا تكـثّـر معـاذيـر

لا تكثر أعذارك ترى الوضـع مفهـوم
قلبك سمح وعلومـك البارحـه غيـر

روّح ولا تذبحنـي بهـرج مسـمـوم
ما عاد أبـي لـك أي عـذر ٍ وتبريـر

لا أنته بملـزوم ٍ .. ولانـي بملـزوم
ولا أنته بأول من طـرى فيـه تغييـر

أبشرك .. مانـي بضايـق ومهمـوم
ترى الوضع عادي ولا فيـه تقصيـر

عندي خبر .. لو زان وقتي ضحى يوم
ما راح يصفى .. وإن صفى حده عصير

دايم معودنـي علـى حظـه الشئـوم
حظي كذا .. منكوس من توي صغيـر

وعندي عبـارة دايـم أقـول مقسـوم
يالله عساها خير .. يالله عسـى خيـر

الله معـك والـدرب ورد ٍ ويشـمـوم
دربك خضر يا جعـل دربـك تياسيـر



لحظـه ..
.
لحظـه ..
.
لحظـه ..



لحظه قبل ترحـل .. بقـى آمـر محتـوم
من قبل ترحل باقـي ( للـروح تقديـر )

هذا قلم .. والحبـر .. والطـرس مختـوم
وهذا .. القبر .. والنصب .. وجور المقادير

أول تعـزي قلبـي وتقـول / مـرحـوم
بعـد العـزا تكفـى بقـى شـي أخـيـر



إكـتــب ..
.
إكـتـب ..
.
إكـتـب ..
.


إكتب صَدر في حق هالروح .. مرسوم
إنها تعيش .. أحزان .. وتموت تعزير


.................................................. ........................................................ ......



للشاعره ...... الشامخه ,