إحــــتيـآج !!

يوم هبّ الوقت و أعماني عجاجه
الفرج عيّا .. و أنا بالصبر راهي

ويوم مال وطال ميله وأعوجاجه
رحت أدوّر شي ٍ يشد إنتباهي

وشفت زولك مقبل ٍ مثل إنفراجه
كنّه اللي جايبٍ عزّي و جاهي

ياااه ياضيقات صدري وَ إبتهاجه !!
تذكر آخر مرة ٍ شفتك ..متى هي !!

صاحبك من يومها زاد إحتياجه
وأمتطى ظهر المصايب والدواهي

سولف الليله على قلبي و ناجه
من بقى لي غيرك أفخر به وَ أباهي !!

يابعد من كدّر غيابي مزاجه ..
وَ يابعد من مرّت حروفه شفاهي

رغم حيرة قلبك ورغم إنزعاجه
الزمن .. ماغيّر احساسه تجاهي

ورغم وحشة بعدك وَ قسوة سياجه
كل حاجه فيك ظلّت مثل ماهي

الخجل في وجهك أول مـ نتواجه
والبراءه في عيونك وأنت ساهي

و بسمتك لامن بغيت تقول حاجه
وغيرتك لاشفت كنّي عنك لاهي

قبل أشوفك .. والزمن عاقد حجاجه
أسأله : وش فيك ؟! وألقى العذر واهي

ويوم شفتك قلت للوقت وعجاجه :
هيه ياللي في طعونك كنت راهي

أنت لو غيّرت فينا ألف حاجه
القلوب البيض تبقى مثل ماهي

................................................

لـ : فـهدّ الـمسَآعد